Proper Noun

कोणत्याही Proper Noun चे पहिले अक्षर नेहमी Capital लिहावे.

Proper Noun हे नेहमी Singular Number (एकवचनी) असते. ते कधीही Plural Number (अनेकवचनी) नसते.

स्त्री पुरुषांना हाक मारण्यासाठी त्यांना जी नावे ठेवतात, त्यांच्या त्या नावांना Proper Noun असे म्हणतात.

For example (उदाहरणार्थ) – Vijay, Sudhir, Amit, Leela, Radha, Gopal इत्यादी.

पाळीव प्राण्यांना हाक मारण्यासाठी आपण त्यांना नावे ठेवतो. पाळीव प्राण्यांना ठेवलेल्या अशा नावांना Proper Noun असे म्हणतात.

For example (उदाहरणार्थ) – Moti, Max, Sheru, Teddy, Lucky, Mani, Tommy इत्यादी.

खेडी, शहरे, प्रांत, वसाहती, राज्ये, देश, खंड ज्या नावांनी ओळखली जातात, त्यांच्या नावांनासुद्धा Proper Noun असे म्हणतात.

For example (उदाहरणार्थ) – Shastri Nagar, Mumbai, Raigad, Maharashtra, Satara, Pune, India, Asia, Africa इत्यादी.

दिशा, उपदिशा, टेकड्या, डोंगर, पर्वत यांच्या नावांना Proper Noun असे म्हणतात.

For example (उदाहरणार्थ) – East, West, North-East, Rajmachi, Himalaya, Alps इत्यादी.

नद्या, तलाव, सरोवरे, पाणवठे, जलाशय, धरणे यांच्या नावांनासुद्धा Proper Noun असे म्हणतात.

For example (उदाहरणार्थ) – Ganga, Godavari, Yamuna, Koyana, Dal Lake, Bhakra Nangal Dam इत्यादी.

आकाशातील ग्रह, तारे, नक्षत्र, आकाशगंगा यांच्या ठेवलेल्या नावांना Proper Noun असे म्हणतात.

For example (उदाहरणार्थ) – Orion, Aurora, Earth, Jupiter, Venus, The Milky Way, Krittika, Rohini, Hasta इत्यादी.

महिन्यांच्या आणि दिवसांच्या नावांना Proper Noun असे म्हणतात.

For example (उदाहरणार्थ) – Sunday, Monday, Tuesday, January, February, March इत्यादी.

इमारतींना, बंगल्यांना, रस्त्यांना ठेवलेल्या नावांनासुद्धा Proper Noun असे म्हणतात.

For example (उदाहरणार्थ) – Galaxy Apartments, The Solitaire Heights, Anand Niwas, Lal Bahadur Shastri Road इत्यादी.

माणसांच्या आडनावाचे अनेकवचन

माणसांच्या आडनावांना सुद्धा Proper Noun असे म्हणतात. परंतु, अपवाद म्हणून त्याच्या शेवटी s हा प्रत्यय लावून त्याचे अनेकवचन करता येते.

जेव्हा एखाद्या आडनावाला s हा प्रत्यय लावून त्याचे अनेकवचन केलेले असते, तेव्हा त्याचा अर्थ "संपूर्ण कुटुंब" (Whole Family) असा होतो.

अशा अर्थाने s हा प्रत्यय लावून जे आडनाव लिहिलेले असते, त्याला नेहमी न विसरता the हे article (उपपद) लावावे.

For example (उदाहरणार्थ) – the Patils, the Deshmukhs, the Pawars, the Guravs इत्यादी.